Tvey kort við á ferðini

Skalt tú uttanlands at ferðast, er skilagott at hava tvey ymisk gjaldkort við tær. Skuldi tú verið óheppin og mist kortið, ella verður kortið óvirkið á ferðini, ert tú kortini trygg/ur. Nøkur kort hava serligar tænastur sum t.d. tryggingar, sum kunnu koma væl við. Eitt nú Mastercard Gull og Platinum hava bæði ferðatryggingar knýttar afturat.

Loyniorð til keyp á netinum

Tá ið tú nýtir gjaldkortið í einum nethandli, ið nýtir 3D Secure, skalt tú brúka eitt persónligt loyniorð. Tú verður biðin um at stovna loyniorðið og skráseta telefonnummarið eina ferð. Tó ber til at broyta bæði loyniorð og telefonnummar eftir tørvi.